TKP Филип Морис задоволен од измените на законот за акцизи

Тутунскиот комбинат Филип Морис во Прилеп по состанокот на производителите и увозниците на тутунски добра со преставнците од Царинската управа укажа задоволство од промените во Законот за акцизи кои ќе бидат поволни за индустријата и се многу поефикасни. Индиректно се очекува и поголем бенефит за самите производители на тутун во Македонија.

„Ние навистина ја цениме и поддржуваме иницијативата на Царинската управа за организацијата на ваквите состаноци со индустријата. Ова е многу добар пример на транспарентност и вклучување на бизнис секторот во законодавниот процес, со цел измените да бидат практични, разумни, ефективни, како и да обезбедат ефикасност како за јавната администрација, така и за бизнис секторот. Акцизите се многу важен извор на приходи за Буџетот на Република Македонија. Во текот на оваа година, акцизите само од тутунските производи сочинуваат речиси 10% од вкупните даночни приходи. Ова укажува на важноста да се има ефективен Закон за акцизи и ефикасно администрирање на акцизите изјави Анита Блажевска менаџер за корпоративни прашања на Филип Морис ТКП.

Тутунскиот комбинат Филип Морис исто така ја понуди својата експертиза за царинската соработка и акцизите собрана на глобално ниво.