Тестови за интелигенција за бегалците во Германија
Владата во германската покраина смислила пилот проект низ кој бегалците доброволно би можеле да поминат, а со чија помош ќе се утврдат нивните таленти и способности. Преку овие тестови би можело да се утврди кои професии најмногу би им одговарале на мигрантите, а за кои би требало да се дообразуваат.
Министерот за внатрешни работи на покраината Клаус Бујон за весникот „Рајнише пост“ изјави дека на пилот проектот очекува доброволно да се пријават околу 600 до 700 мигранти. Според него сето ова ќе биде во соработка со Сојузната агенција за работа и други угледни ексепрти за пазарот на труд.