Тестирајте го вашиот патриотизам или предавништво преку Македономер
На социјалните мрежи се шират добиените резултати од пародичната веб апликација наречена Македономер која го „Македонлукот“. Идејата е да се исмее актуелната политичка криза со жесток говор на омраза кој врши поделба на патриоти и предавници, па така и самите корисници добиените резултати ги споделуваат на Фејсбук со пријателите. Некои добиваат кодош, удбаш, соросоид, а тие со повеќе освоени краци просечен менаџер во администрација, антички тврдокорен Македонец, се до врвот Цар Убермакедон.
Единствена забелешка е што резултатите се произволни, а не се добиваат на пример со внесување на одговори за чуството на патриотизам. Секако, Македономер служи за забава, но и за покажување на суровата реалност на тотална поделеност во македонското општество на наводни патриоти и предавници на сите кои размислуваат критички кон одредена партија. Тестирајте се и пишете ни какви резултати добивте.
