Тајфунот „Соуделор“ удри во Фуџијан -најмалку 9 загинати

Најмалку девет лица загинаа, а три се водат како исчезнати по ударот на тајфунот „Соуделор“ во југоистoчната кинеска провинција Фуџијан.

„Соуделор“, кој претходно го погоди Тајван, каде загинаа или исчезнаа 10 лица, минатата ноќ со нешто послаб инетнзитет дојде и до континнаталниот дел на Кина, по што набрзо премина во тропска бура.

Сепак, првичниот удар на тајфунот, проследен со поројни дождови, предизвика неколку свлечишта во планинскиот регион Пингјанг во северниот дел на Фуџијан.

Според властите на Фуџијан, тајфунот целосно уништел 36 куќи, а оштетил 281 други, а поради откоранти столбови и оштетување на електричната мрежа, без струја останаа над 1,7 милиони домаќинства.

Поради тајфунот беа откажани и над 500 летови од локалните аеродроми.

Пред налетот на тајфунот, кинеските власти евакуираа над 370.000 луѓе.