Тачи планира да го повлече потписот од Пржино

Мендух Тачи се закани дека ќе го напушти пржинскиот договор. Лидерот на ДПА најавува дека основна причина за тоа е што точките битни за албанците воопшто не дошле на дневен ред и дека пржинскиот договор не ги дал резултатите кои се очекувале од него. Тој повеќепати повтори дека ДПА била најкоректната и најконструктивната партија во пржинскиот процес, но Тачи тврди дека луѓето, а особено албанците мора да дознаат дека на преговарачката маса не се разговара за подобрување на нивниот живот.

Дополнително вели тој тука е намерата на Груевски и Заев да избегаат од обврските. Тачи потсетува на сите предлози на неговата партија за чистење на избирачкиот список, како активна регистрација и попис, кои не поминаа, па затао вели бесмислено е да се надеваме дека ќе се ичсити избирачкиот список за 10 или 15 дена, кога 7 месеци се потрошиле за други работи. Конечната одлука лидерот на ДПА ја најавува за многу скоро, а вели ДПА може со своите ставови и да ги фрапира останатите.