Светски предупредувања кога патувате во Америка
Американската влада има огромна листа на предупредувања за своите граѓани кога патуваат во странство, дел од нив се оправдани, но дел од нив се полни со стереотипи и баух тврдења. Епа, Американците не се единствени во правење листа со предупредувања, бидејќи и останатите влади од светот имаат голем број на стравови за своите граѓани кога патуваат во САД.
Највпечатливи препораки има Русија која се уште го негува речникот од Студената војна и им порачува на граѓаните дека во Америка има огромна стапка на уличен криминал, голема употреба на дрога и алкохол, а русите треба да внимаваат бидејќи против нив има лов низ целиот свет.
Владите на Германија и Англија предупредуваат дека во Америка не треба да се шегувате со зборот бомба, особено на аеродромите и во Њујорк каде беа срушени кулите близначки. Канаѓаните најмногу стравуваат од шверц на луѓе преку граница и предупредуваат да не се качувате во возила како автостопери.
Кинезите најверојатно се најљубезни и скромни и на своите граѓани им порачуваат да бидат културни, да ги почитуваат децата и старите, да отстапуваат место во јавниот превоз и најчудно од се да ја чуваат десната страна од ексалаторите слободна бидејќи ја користат луѓето кои се брзаат. Ова се најголемите препораки при посета на Америка, дали вие ќе се сложите со нив и дали сте ги почитувале кога сте патувале во САД.