Светски гурмански пикник во Градски парк со хуманитарен карактер

Во Градскиот парк оваа недела од 12 часот ќе се одржи „Светски пикник“ за гурмани организиран од Советот на странските инвеститори. На пикникот по цена од 100 денари ќе се служат јадења од националните кујни ширум светот од каде потекнуваат компаниите, а собраните средства ќе се искористат за донации на народните кујни во Македонија.

Настанот ќе биде привлечен за целото семејство со голем број на забавни и кулинарски содржини, а се организира по повод 10 години од постоење на Советот при Стопанската комора на Македонија. Штандовите на пикникот ќе бидат поставени зад споменикот на Гоце Делчев.