HomeДЕНЕШНАПолитикаСудот не решил за „Трезор“ поради блокирано УСБ од СЈО

Судот не решил за „Трезор“ поради блокирано УСБ од СЈО

Основниот суд излезе со своја реакција за прашањето зошто не постапил по барањата на СЈО за мерки на претпазливост за четири обвинети лица во предметот „Трезор“. Според Кривичен проблемот е што материјалите биле доставени преку кодирано УСБ стикче кое не можеле да го отворат, а од СЈО им посочиле дека доказите ќе може да ги погледнат само во нивно присуство.

Основниот суд Скопје 1 соопшти дека ги вратил предлозите на Специјалното јавно обвинителство за одредување мерки за претпазливост за четири лица, кои се предмет на истрагата со кодно име „Трезор“, бидејќи не можеле да го отворат документот доставен на УСБ. Како што информираа од Судот, меморискиот стик на кој било барањето на СЈО бил кодиран и судиите на претходна постапка поради тоа не можеле да пристапат до предлозите на СЈО.

„СЈО до судот поднесе три предлози за определување мерки за претпазливост за 4 лица, а доказите заедно со само еден писмен акт – документ, кои согласно законот треба да се достапни за судиите при одлучување во врска со предлозите, беа доставени во електронска форма на пренослива меморија (УСБ) кое судиите на претходна постапка, кои согласно законот, веднаш по добивање на предлозите започнаа со постапување, не можеа да го отворат, бидејќи меморискиот стик е кодиран.

Со оглед на ново настанатата ситуација службено лице кое во судот ги заведува предметите го извести СЈО дека не може да се пристапи до наведеното, УСБ бидејќи истото е кодирано на што е добиен усмен одговор од обвинителството дека доказите ќе може да се разгледуваат само и исклучиво во нивно присуство и дека само тие ќе имаат право да пристапат до нив.

Нејасно е како судиите на претходна постапка треба да постапуваат по предлозите и да ги разгледаат доказите пред да постапат по нив, како би ги повикале странките, меѓу кои и овластениот обвинител, ако претходно не го разгледаат писмено образложениот предлог и основите што ги навел поднесувачот на предлогот, односно доказите, кое нешто е јасно предвидено во Законот за кривична постапка.

Согласно ЗКП во секој предлог на странките истите се должни, заедно со предлогот, да достават и правно релевантни докази, во соодветна писмена форма, врз основа на кои судот би можел да постапува и одлучува.

Ова е преседан во досегашното постапување пред овој суд.

Дали на ваков начин обвинителството се обидува да ги заштите лицата против кои го поднел предлогот, а вината за непостапувањето и одолговлекувањето на постапката, се обидува да ја префрли на судот, е нешто што треба да го одговори обвинителството“, соопштија од Судот.

Social Media Auto Publish Powered By : XYZScripts.com