СЦ „Борис Трајковски“ добива нова специјализирана сала
Спортскиот центар Борис Трајковски најави изградба на нова сала која ќе биде со три функции и ќе има специјални терени за тенис, боречки спортови и гимнастика. Во новиот комплекс е замислено да се развиваат овие индивидуални спортови кои може да привлечат многу нови млади таленти, како да им обезбедат соодветен простор на веќе постоечките клубови.
– Денеска го презентираме проектот кој го најавивме пред одредено време за изградба на тениска арена и гимнастичка сала, а на мое големо задоволство можам да соопштам дека овој проект го надополнуваме со сала за боречки спортови. Објектот ќе овозможи одржување на професионални натпревари од тенис, гимнастика и боречки спортови, а кога сме кај гимнастиката, можам да кажам дека повеќе од 30 години не е ништо изградено за овој спорт, рече Златко Перински директор на СЦ „Борис Трајковски“.
Почетокот на изборот на процедурата за најповолен понудувач се очекува на почетокот на 2017 година, а објектот е проектиран на два милиони евра. Изградбата ќе трае околу една година и се очекува да биде пуштена во употреба во 2018-та.