Споменикот на просветителот Богдани со грешни датуми?
Критиките за поставување на уште една серија на споменици, без оглед што овој пат се работи за албански дејци кои недостасуваа во проектот Скопје 2014-та, не престануваат и сега се наведува дека датумите за раѓањето и смртта на бискупот Пјетер Богдани се погрешни.
На споменикот кој доцна вечер беше поставен во парк Жена борец стојат датумите 1630-1686, но според повеќе историски извори, Богдани, кој се смета за основоположник на Албанската книжевност бил роден во село близу Призрен, во 1630 година или според други извори во 1625-та, а по враќањето во Приштина, починал во декември 1689 година.
Се чека официјален одговор од изработувачот и нарачателот на споменикот и дали доколку станува збор за грешка таа ќе биде отстранета.