Спомен плоча за благодарност од македонскиот народ во Ватикан
Во базиликата Санта Марија Маџоре во Рим како благодарност на македонскиот народ ќе биде поставена спомен плоча за осветување на книгите на Светите браќа Кирил и Методиј. Станува збор на иницијатива на претседателот Иванов чии долгогодишни барање денеска ќе бидат остварени додека е во посета на Ватикан.
– По неколкугодишен заеднички напор, мој и на Папата, се овозможи да искажеме благодарност од македонскиот народ за чинот што е случен во Рим, во црквата Санта Марија Маџоре. Како што е познато, во тој храм првпат се осветени светите книги кои се преведени на старословенски јазик и на тој чин Папата ги осветува книгите кои ги донеле Кирил и Методиј. Кога видов дека другите народи искажале благодарност, пред неколку години ја покренав иницијативата да ни се овозможи нам, како македонски народ, да поставиме спомен плоча во која ќе искажеме благодарност за тој чин, истакна Иванов по аудиенцијата кај папата Франциско.