Спасовски три пати им ја пушти Ивона Талевска дека Груевски ја прифатил платформата
Третиот ден од расправата на конститутивната седница на Собранието не донесе конструктивност и напредок во избор на комисијата за избори и именување, туку помина претежно во меѓусебни обвинувања. Пратеникот на СДСМ Оливер Спасовски посочи дека постои платформа, но таа е криминалната на власта во овие десет години и три пати на пратениците на ВМРО-ДПМНЕ им го пушти видеото во кое Ивона Талеска на последниот ден од преговорите со ДУИ во вестите на Сител посочи дека има договор за влада, а Груевски ја прифатил албанската платформа.