Солзавец за време на прославата на денот на независноста во Молдавија
Полицијата во Молдавија пуштила солзавец за да ги растера антивладините демонстранти за време на парадата на Денот на независноста на таа некогашна советска република. Повеќе стотици демонстранти се собрале во близина на главниот плоштад во Кишињев, главниот град на Молдавија, а многу од демнострантите упатувале пораки од типот „Крадци“, „Засрамете се“ и слично.
На неколку граѓани им било дозволено да влезат на плоштадот со силно полициско обезбедување. Според тамошните информации, во денешните конфликти немало повредени. Молдавија славела независност од СССР, прогласена на 27 август 1991 година. Според податоците објавени нешто порано оваа недела, повеќе од четвртина граѓани на Молдавија емигрирале поради работа.