Собранието го изгласа буџетот за 2016
Собранието пред полноќ го донесе Буџетот за 2016 година, со 66 гласови „за“, 28 гласови „против“ и без воздражни. По скратена постапка беше донесен и Законот за извршување на буџетот за 2016 година.
Пратениците од опозицијата гласаа против зашто сметаат дека буџет од 3,2 милијарди евра и највисок досега. За нив тој е неприфатлив зашто е нереален, неостварлив, неразвоен и нетранспарентен. Според СДСМ, државата има јавен долг од 4 милијарди евра, а новиот буџет ќе значи нови долгови и сиромашни граѓани.
Вкупните расходи во Буџетот за следната година се проектирани на 195,7 милијарди денари и се за 4,7 проценти повисоки од оние во 2015 година, а вкупните приходи се проектирани на 176,8 милијарди денари, каде има зголемување за 6 проценти во однос на 2015 година.
Растот на економијата се очекува да биде 4 проценти од БДП, а инфлацијата 2 процента. Со предвидените средства за финансирање на Буџетот, РМ ќе остане во зоната на умерено задолжени земји, односно Буџетот ќе се вклопи во среднорочната фискална стратегија.