Со вреќи се изнесуваат материјали од Министерството за култура

Утрово од Министерството за култура се изнесуваат вреќи во кои не се знае што има. Овие фотографии ги објави „Либертас“, наведувајќи дека ова се случувало непосредно откако Трајко Вељаноски си ги собрал работите од претседателскиот кабинет на Собранието и преземањето на кабинетот од страна на новиот претседател, Талат Џафери.

Министерството за култура демантира дека се изнесуваат материјали од институцијата.

„Не станува збор за никакво изнесување на материјали од Министерството за култура, туку станува збор за постапка на преселба на Управата за заштитата на културното наследство во нови работни простории. Напоменуваме дека Управата за заштитата на културното наследство досега беше сместена во зградата на Министерството за култура“, соопшти Министерството за култура.