Со ребалансот на буџетот ќе се финансираат нови проекти
Ребалансот на буџетот веќе е доставен до Комисијата за финансии и буџет на Собранието на Република Македонија и првиот финансиер Зоран Ставревски образложи дека нема да се кратат средства за ниту еден буџетски корисник, ниту пак ќе се сопрат веќе започнати проекти, напротив ќе има пари за нови мерки за граѓаните.
Според досегашната динамика во првата половина од годината имало подобра ефикасност на собирање на буџетските приходи и затоа се отвора простор за ребаланс. Буџетот ќе иснесува околу 3 милијарди евра, а буџетскиот дефицит ќе изнесува 3.6 проценти од БДП. Почетната прогноза за раст на економијата е намалена за половина процент и ќе изнесува 3.5 посто.
Во првиот претрес на ребалансот на буџетот пратениците од власта начелно ги предложија измените, а единствено забелешка има ДПА со приговор дека средствата не се балансирани по етничка основа.