Со нож дупната гумата на автомобилот на Фросина Ременски
Додека потпретседателката на СДСМ, Фросина Ременски, завчера учествуваше на дискусијата пред Владата, некој со нож и ја дупнал гумата на автомобилот, кој бил паркиран на паркинг, во непосредна близина. Ременски случајот го пријавила во полиција, а се сомнева дека нејзиниот автомобил не бил случајно избран.
-Автомобилот беше паркиран во периодот од 18.30 до 22 часот. Откако забележав дека гумата е дупната и тоа со нож, случајот го пријавив во Прва полициска станица, од каде што очекувам брза разрешница. Настанот се случил на многу видно место, па затоа е речиси невозможно некој да не забележал. Премногу случајности за кратко време, вели Ременска.
Извор: Фокус