Со 24 милиони евра ЕУ ќе ја ублажи мигрантската криза во Македонија

Европската Унија ќе издвои 24 милиони евра за помош на Македонија во справување со напливот на мигранти кои ја преминуваат границата во огромни бројки обидувајќи се да стигнат до западноевропските земји. Одлуката ја соопшти еврокомесарот за проширување Јоханес Хан кој потенцираше дека Балканот не смее да стане паркинг место за мигрантите.

Проблемите во изминатите два месеца најмногу се покажаа во делот на прием на мигрантите додека чекаат да им се проверат документите и нивната регистрација. За да се избегне хуманитарна криза потребни се и привремени сместувачки капацитети кои ќе обезбедат пристојни услови за прием на мигрантите додека трае процесот на одобрување на азил или пак дозвола за транзит.