Monday, Oct 16, 2017
HomeДЕНЕШНАРегионСнимки од крвавиот напад во Анкара – Ердоган најави одговор на нападот

Снимки од крвавиот напад во Анкара – Ердоган најави одговор на нападот

ankara

Турскиот претседател Реџеп Таип Ердоган изјави дека Турција решително ќе одговори на вчерашниот напад со автомобил бомба врз армиски автобуси во центарот на Анкара, во кој загинаа најмалку 28 лица и над 60 беа ранети, пренесоа француските медиуми. 26 од убиените се војници.

„Треба да се знае дека Турција во ниту еден момент нема да се двоуми, насекаде и при секој повод да го употреби своето право на законска одбрана“, се наведува во соопштението објавено од прес службата на претседателот. Давутоглу изјави дека ќе продолжи турското гранатирање на Силите за заштита на народот во северна Сирија.

Тој, исто така, информира дека во текот на изминатата ноќ турски воени авиони бомбардирале цели на ПКК во северен Ирак. Како што наведе, во оваа операција биле убиени 60-70 курдски борци, меѓу кои има и членови на раководството на групата.