Славните „Depeche mode“ со нов албум се вратија на музичката сцена!
Британската њу вејв група Depeche Mode се врати на музиката сцена со нов албум. „Spirit“ е 14-ти студиски албум на групата, која го дефинира како „мрачен“, а песните во него се инспирирани од конфликтот во Сирија и подемот на национализмот во Европа. Албумот беше претставен синоќа на концерт во Берлин. За првиот сингл од него „Where’s the Revolution?“ („Каде е револуцијата“), кој беше дистрибуиран во почетокот на февруари, групата се инспирира во 2015 година.
„Знаевме дека е малку опасно да издадеме албум, кој може да се смета за политички, но чувствувавме дека е потребно во овие времиња“, прокоментира клавијатируистот и гитарист во Depeche Mode, Мартин Гор пред Ројтерс. Тој забележува дека во почетокот на работата на албумот светот не бил толку лош колку што е сега, и ги посочува како едни од најголемите проблеми Сирија и национализмот.