Славењето заврши, Грција снема пари
По еуфоричните прослави на референдумот за одбивање на условите за строгите мерки за штедење грците ќе мора да се соочат со реалноста, а тоа е веќе извесен банкрот и банките немаат пари. Граѓаните се соочуваат и со големи рестрикции на повлекување на големи суми на пари и може да подигнат само 60 евра од сметките, во страв да не колабира целиот банкарски систем.
Банкоматите се речиси празни, а асоцијацијата на банкари вели дека ликвидноста може да се одржи уште денес по што ќе мора да се најде ново решение. ММФ нема да додели финансиска помош, а државата ќе остане без средства и нема да може да ги исполнува своите обврски. Следниот чекор би било враќање на драхмата или пак наоѓање компромис со ЕУ и кредиторите.