Скопската обиколница ќе биде затворена цел месец поради снимање филм
Скопската обиколница ќе биде затворена за сообраќај од утре до 28 септември секој работен ден од 07 до 19 часот од клучката Хиподром до клучката Сарај, поради снимање на францускиот игран филм „2015 A Fond“.
Мануфактура Продукција од Скопје, во периодот од 03 септември до 25 октомври ќе го снима филмот на обиколницата околу Скопје, на одредени секции на автопатот Е-75, како и на патарината Петровец.
Од тие причини, обиколницата ќе биде затворена од 03 до 28 септември секој работен ден од 07 до 19 часот (12 часа). Режимот на работа на патарината Петровец ќе биде редуциран на 22 септември, додека секциите на автопатот околу Градско ќе бидат затворени во периодот од 28 септември до 25 октомври и сообраќајот ќе биде пренасочуван.