СЈО за едни циркус, за други правна институција
СЈО ги забрза истражните дејствија со распитот на политичарите Мендух Тачи, Силвана Бонева и Самка Ибраимовски по што реакциите се доста очекувани.
За пратеничката од Струмица работата на СЈО е правење медиумски циркус и воопшто непочитување на правната процедура, но не откри за кој предмет е повикана да даде исказ.
Најдарежлив со изјавите беше Ибраимовски кој посочи дека СЈО работи на расчистување на изборни нерегуларности во општина Шуто Оризари, но во интерес на истрагата не соопшти повеќе детали. Мендух Тачи одби да даде политички квалификации посочувајќи дека „кога правото зборува политиката треба да молчи“. СЈО продолжува со истрагите за изборни измами, како и за корупција во проектот Скопје 2014.