Ситуацијата со Македонија е сериозна, вели Брнабиќ

Српската премиерка Ана Брнабиќ денеска изјави дека за одлуката за повлекување на персоналот на амбасадата на Србија во Македонија разговарала со министерот за надворешни работи Ивица Дачиќ и со претседателот на Србија, Александар Вучиќ.

– Утринава имав состанок со Дачиќ и консултации со претседателот на Србија, затоа што не станува збор за мала работа – соопшти Брнабиќ.

Сепак, таа не сакаше да открие за што станува збор и замолила новинарите да го почекаат соопштението од српското МНР кое треба да биде објавено околу 12 часот, а на кое заеднички работат.