Синдикалците со марш до ССМ го кренаа гласот за повеќе работнички права

Денеска се одржа голем протест на Повелбата на солидарност во која членуваат голем број на вистински синдикални организации и здруженија за заштита на работничките права.

Протестот започна од камениот мост, а демонстрантите маршираа до зградата на ССМ каде сеуште раководи Живко Митревски кој не го признаваат за свој синдикален лидер.

Главните пораки на маршот е да се окрупнат синдикалните движења, да се стави крај на лажните синдикати кои ги злоупотребуваат работниците и да се посвети поголемо внимание на синдикалното организирање кое веќе доживува преродба во Македонија, но не смее повеќе да биде игнорирано во социјалниот дијалог.