Силна експлозија и пожар во фабрика за оружје (ВИДЕО)

Силна експлозија се случила денес во фабрика за оружје во Азербејџан и многу луѓе останале затворени внатре во фабриката, пренесуваат локалните медиуми. После експлозијата избил и пожар. „Азери вести“ пренесуваат дека фабриката припаѓала на Министерството за одбрамбена индустрија на Азербејџан.

Еден сведок за агенцијата „Риа Новости“ изјавил дека експлозиите во просторот каде се наоѓало оружјето во таа фабрика продолжиле да избиваат. Очевидци пријавиле дека имало многу повредени. Жителите од околните подрачја биле евакуирани.