Шумски пожар ја зачади Атина
Голем шумски пожар се заканува на главниот град на Грција со ширење на густ чад, по што се размислува и за евакувација на населбите во непосредна близина. Пожарот се шири од планината Химет и има реална закана бидејќи брзо се шири поради силниот ветар. Во справување со огнената стихија се ангажирани педесетина пожарникари, противпожарни авиони, а активирано е и локалното население. Владата на Ципрас побара помош и од Европскиот центар за справување со кризи.