Се самоуби кардиолог поради грижа на совест

Кардиологот Бошко Недиќ од Србија се самоубил бидејќи се обвинувал себе за смртта на свој пациент. 61-годишниот доктор од Нови Сад, кој работи како кардиолог во една приватна клиника, се фрлил од мост, а неговото тело по речиси еден месец исплива на површината на водата.

– Во автомобилот со кој дошол на местото на трагедијата имаше облека. Најдовме и кратка порака која беше упатена до неговото семејство која гласеше: Сакам да бидам погребан во Сремски Карловци, вели извор за српски Курир.

На обдукцијата е утврдено дека нема траги на насилство на телото на несреќниот маж и дека сам си го одзел животот.
Инаку, докторот наместо пациент на кој итно му е потребна операција на срцето, пратил друг пациент во Словенија, па пациентот починал, а докторот не можел да се справи со грижата на совест.