Се разгорува битка во Авганистан, Талибанците со нови напади

Во Кабул се одвиваше вистинска битка откако најпрво беше извршен бомбашки напад со комбе во многу густо населена област, а потоа беа нападнати базите на американските специјални единици и полициската академија. Судирите одземаа најмалку 50 животи, а стотина се ранети. Од страна на сојузничките сили има 8 загинати авганистански војници и еден војник од коалицијата чиј идентитет се уште не е познат.

Разгорувањето на судирите доаѓа по смртта на Мулах Омур долгогодишниот лидер на Талибанците кои сега сакаат да испратат порака дека тоа не ги ослабило нивните позиции и се уште се способни да се борат со поставената влада во Кабул, како и со американските војници кои во мал број се останати. Затоа замираат надежите дека конфликтот во оваа земја ќе може да се реши по мирен пат и преговори.