Се одбележуваат 70 години од атомската бомба во Хирошима

Денеска жителите на Хирошима ја одбележуваат 70-годишнината од атомскиот напад извршен од страна на американското воено воздухопловство на самиот крај од Втората светска војна. Американскиот бомбардер Б-29, именуван како „Енола Геј“, ја фрли атомската бомба врз овој јапонски град утрото на 6. август во далечната 1945 година, која експлодирала на 600 метри над земјата, предизвикувајќи веднаш смрт на најмалку 70 илјади луѓе и целосно уништување на Хирошима.

Во Меморијалниот парк на мирот, уреден на епицентарот од атомскиот напад, присуствуваше и јапонскиот премиер Шинѕо Абе, кој на топлата на која ѝ се обрати повика на глобално нуклеарно разоружување и на откажување на светот од ова страшно оружје. Комеморацијата беше закитена со пуштање на илјадници фенери од хартија, над реката Мотојасу, кои го симболизираат „патувањето во задгробниот живот“ на сите оние кои загинаа во атомскиот напад од пред 70 години.