Се најдоа независни експерти за ДИК

Преставниците на четирите најголеми политички партии затворија уште едно поглавје од реформскиот пакет предивден со договорот од Пржино и ги одбраа тројцата нови членови на ДИК кои се независни и надпартиски. Станува збор за Реџеп Прекопуца, Атанас Урумов и Александар Чичаковски кои ќе го формираат новиот состав на ДИК заедно со шест членови предложени од партии.

Конечниот договор е постигнат со посредство на евроамбасадорот Аиво Орав, американскиот амбасадор Џес Бејли и меѓународниот олеснувач Питер ван Хауте со што конечно може да се планираат следните избори.

За новите кандидати познато е дека Александар Чичаковски (1980) е магистер по право од Скопје, Реџеп Прекопуца (1970) е професор по албански јазик од Арачиново и магистер по применета политика и менаџмент, а Атанас Урумов (1974) е дипломиран политиколог и дипломиран правник од Гевгелија.