Се наговестува зголемување на паричниот надоместок за средношколците
Со одлуката на Владата на Република Македонија, паричниот надоместок за средношколците ќе опстојува, па дури и ќе се зголемува во понатамошниот период. Сите семејства кои примаат социјална помош и имаат деца кои одат во средно училиште, ќе добиваат дополнителни 12.000 денари со цел да се пружи помош за трошоците кои се потребни за детето и негово охрабрување.
Родителите се благодарни за ваквата владина мерка, а премиерот Никола Груевски изјави дека одлуката за продолжување е донесена бидејќи е оценето оти ефектите од оваа Програма се многу позитивни и потсети дека неодамна е донесена и одлука за зголемување од 10 проценти на социјалната помош.