HomeДЕНЕШНАПолитикаСДСМ претстави проект за градски железнички транспорт во Скопје

СДСМ претстави проект за градски железнички транспорт во Скопје

Политичката партија СДСМ претстави проект со кој предлага Скопје да добие градски и приградски железнички превоз. Според нив со овој вид на транспорт во главниот град би се обезбедил многу побрз и посигурен приградски транспорт за оние патници кои се во близина на пругата, а освен градот Скопје, ќе бидат опфатени и 26 села од неговата околина.

Проектот би се постигнал преку четири краци во и околу главниот град кои би се вкрстувале во скопската железничка станица.

„Најпрвин, потребно е да се поврзе аеродромот со железничкиот превоз. Ова може да се постигне со изградба на нов крак од пруга во растојание од5 километри,од Миладиновци до Аеродромот Петровец, како продолжение на кракот Миладиновци-Скопје.

Со изградба на овој крак за првпат би се поврзал скопскиот аеродром, со патничката железничката станица Скопје, како и со меѓуградската автобуска станица. Од тука преку другите краци ќе може побрзо да се стигне и до другите приградски места околу Скопје.

Другите три краци кои би се вкрстувале во патничката железничка станица Скопје се следните:

1.Зелениково – Драчево – Лисиче – 11 Октомври – Железничка станица (од 24.5 километри)

2.Миладиновци – Илинден – Маџари – Железничка станица (од 18.7 километри)

3.Железничка станица – Пивара – Железара – Скопје Север – Ѓорче Петров – Сарај – Радуша (од 32.6 километри)“, го соопшти проектот Благој Бочварски, претседател на Комисијата за транспорт и врски на СДСМ.

За ова, како што велат од опозицијата е потребно да се направат дополнителни 23 стојалишта, покрај сегашните 16, додека пак возниот ред би се прилагодил на потребите, а потребно би било и да се набават и мали едноделни гарнитури со капацитет од околу 60 места за седење и нови видови билети за комбиниран превоз.

Реализацијата на еден ваков проект би ги дала следните резултати – би се намалил градскиот метеж како и бучавата и загадувањето на воздухот, а граѓаните би заштедиле време и пари.

Извор: Faktor.mk

Social Media Auto Publish Powered By : XYZScripts.com