СДСМ поднесе барање за интерпелација на министерот Никола Тодоров
Смртните случаи во македонските болници станаа се почести. СДСМ бара одговорност и оставка од министерот за здравство Никола Тодоров. Опозицијата поднесе интерпелација за разрешување на министерот по двата трагични случаи во кои починаа две родилки и нивните бебиња.
Од СДСМ сметаат дека Тодоров е најодговорен за хаосот во здравствениот систем, кои како што велат го достигна дното. Барањата за оставка од министерот почнаа од смртта на малата Тамара од Велес, а зачестија последнов период во кој загинаа две родилки и 14-годишната Анамарија во иста болница.
Од Министерството пак одговорија дека интерпелацијата е шанса за министерот, од собраниска говорница да направи пресек на инвестициите и реформите во здравство спроведени во негов мандат.
Лекарската фела поделена. Дел од докторите сметаат дека министерот е одговорен за сериозните пропусти во здравството, додека пак дел од нив застанаа зад министерот.