Thursday, May 25, 2017
HomeДЕНЕШНАПолитика(Видео) СДСМ: Пензионерскиот дом што се гради во Штип е дивоградба

(Видео) СДСМ: Пензионерскиот дом што се гради во Штип е дивоградба

sdsm runteva

Организација на СДСМ од Штип обвинува дека општината незаконски го гради пензионерскиот дом, односно дека ја нема потребната документација.

-Неодговорниот однос на локалните власти дополнително ја зголемува неизвесноста на неколку стотици пензионери од Штип и Карбинци коишто веќе со години ја очекуваат изградбата на новиот Пензионерскиот дом во Штип. Основното Јавно обвинителство Штип, а по претходна пријава од СВР Штип, пред извесно време започна истражна постапка врз основано сомнение дека Пензионерскиот дом се гради без соодветна документација, со што има статус на дивоградба, изјави Ленче Рунтева, советник од СДСМ.

„Иако локалните власти се запознаени дека Здружението на пензионери од Штип и Карбинци нема добиено одобрение за градба и надградба на некогашниот ресторан 4- јули кој се наоѓа во непосредна близина на касарната „Јане Сандански“, дозволи на овој простор да никне градба која не е предвидена во урбанистичкиот план на градот и за која не постои дозвола за градба.

Чии интереси се штитат во целата оваа сомнителна постапка?

Општинскиот градежен инспекторат уште еднаш ги затвори очите пред незаконската градежна експанзија која владее во градот. Нелегалните објекти кои никнуваат се „невидливи“ само за локалните власти.

Можноста пензионерите да ги изгубат сите средства кои со години ги издвојуваа од сопствениот џеб, не е доволна причина за локалната власт на чело со Захариев да ја преиспита целокупната постапка за изградба на пензионерскиот дом.

Ги повикуваме надлежните сериозно да се зафатат со решавање на проблемот и пензионерите конечно да добијат нов Пензионерски дом“, рече Рунтева.