Руска одмазда за влезот на Црна Гора во НАТО преку туризмот
Откако шефот на руската дипломатија Сергеј Лавров минатата недела изјавил дека Црна Гора со влезот во НАТО ги жртвува економските односи со Русија на руските државни телевизии се емитувани репортажи чија порака е дека Русите не треба да ја посетуваат таа земја.
Во прилогот под името „Еден чекор на Црна Гора до НАТО“ во пресрет на ратификацијата на влезот на Црна Гора во таа воена алијанса во американскиот сенат, државниот руски тв канал наведува дека во Црна Гора денес „жестоко се потиснуваат противниците на влезот во НАТО“ и дека тоа веќе влијаело на инвестициската клима“.
„Рускиот бизнис ја напушта земјата, туризмот назадува, а ослободеното место брзо го зазема криминал. Ја губиме Црна Гора“ се наведува во прилогот.
Во репортажата се наведува дека Будва уште неодамна била „рај за руските инвеститори, но дека политиката на црногорските власти кон Русија почнала да се менува поради што целата туристичка зона на Црна Гора паднала во тешка депресија“.
“Поради јакнење на криминал, дури ни самите Црногорици не им советуваат на своите пријатели да доаѓаат. Чистите плажи овде се реткост. Зголемениот криминал и раст на русофобија нема да ја зголемат желбата на руските туристи да ја посетат“, се наведува во репортажата.
ТВ Ѕведа, гласилото на руското Министерство за одбрана, на 25 март објавила репортажа „Криминал, мински полиња и инфективни болести: Зошто Црна Гора станува опасна за туристите“.
Извор: faktor.mk