Русија се повлече од воената база во Иран
Иранското министерство за одбрана преку портпаролот Бахран Ќасеми соопшти дека Русија повеќе не ја користи воената база Хамдан за лансирање на воздушни напади против цели на екстремистичките и терористички групи во Сирија.
Конашевков од руското министерство за одбрана потврди дека воени авиони се повлечени и дека досегашните мисии биле целосно успешно завршени. Исто така се наведува дека Русија во иднина за потребите на борбата против тероризмот со дозвола на Иран може повторно да се врати во базата Хамдан.
Повлекувањето е добредојдено за САД кои беа најзагрижени од соработката на Русија и Иран и се закануваа со покренување на постапка во Советот на безбедност на Обединетите нации за кршење на резолуциите против Исламската република.