Русија ќе брише интернет страни за заштита на приватноста
Рускиот парламент го изгласа новиот Закон за приватност со кој ќе им се наложи на интернет пребарувачите да ги блокираат резултатите за одредена личност доколку тоа биде побарано од нив поради зачувување на правото на приватност и заштита на личниот углед. Сепак, има стравови дека овој закон ќе биде злоупотребен од власта за ограничување на медиумските слободи и ќе може да се забрануваат веб страни, портали и блогови на кои се шират информации за активностите на политичарите и бизнисмените.
Од друга страна пак, и самата Европска Унија крена голема прашина против Google барајќи да воведе политика исто така на бришење на лични податоци по барање на одреден корисник, па никој не се возбуди премногу дека со овој метод Брисел ќе врши цензура и блокирање на медиуми. Директивите на ЕУ се донесени врз новото „право да се биде заборавен од интернет“.