Русија, активиран систем за контрола на вселената
Првиот од вкупно четирите системи за контрола на вселената, кои ќе бидат произведени во Русија, започнал да работат во оптичко-ласерскиот центар „Титов“ во руската република Алтај. Генералниот директор на корпорацијата за системите на овие прецизни инструменти, Јури Рои, потврдил дека еден систем започнал да работи.
„Потпишана е наредба комплексот да се стави во борбена функција, што е најважно не само за Русија, туку и за целиот свет“, истакна Рои. Рои потсети дека Русија ќе има четири системи за набљудување на вселената: во Калињинград, на Далечниот исток, Крим и споменатиот во Алтај.
Во прашање е систем кој ќе го сервисират заедно воени и цивилни тимови, а кој ќе има можност да лоцира вселенски уреди, наносателити, вселенски отпад и слично.