Федерер нема сили да ја доврши сезоната
Швајцарскиот тениски ас Роже Федерер соопшти дека ќе мора да се повлече од терените до крајот на сезоната што ќе значи дека нема да учествува ниту на Олимпијадата во Рио што пред неколку месеци беше негова главна желба.
„По консултациите со лекарите донесов многу тешка одлука да не се натпреварувам до крајот на оваа година. Мојата намера е и следната сезона да настапувам на АТП турнирите, па мислам дека е важно комплетно да се рехабилитирам по операцијата на коленото која ја имав оваа година“ – изјави Федерер.