Ратко Младиќ се бори за живот во Хаг
Ратко Младиќ (73) на кого во Хаг му се суди за воени злосторства во Босна и Херцеговина, се бори за живот, пренесува српски „Курир“.
Неговиот живот во Хашкиот затвор полека згаснува и прашање на време е кога ќе се случи најлошото.
-На Младиќ му е парализирана десната страна од телото, едвај оди и говори. Има висок крвен притисок и шеќер, многу ослабнал и лошо изгледа. Потребно е лекарите итно да го прегледаат, а неговата одбрана бара тоа да го сторат руски експерти, вели извор близок до генералот.
Поради влошената состојба, неговото судење неколкупати се одложува и хашките судии стравуваат тој да не ја доживее судбината на Слободан Милошевиќ кој почина во притвор без да ја дочека пресудата.