Расте бројот на загинати во Санкт Петербург

Властите во Санкт Петербург открија дека бројот на загинати лица во терористичкиот напад во метрото е зголемен на 14 луѓе откако е утврдено дека три лица починале бидејќи им подлегнале на повредите додека добивале медицински третман.

Во болниците во Санкт Петербург се лекуваат уште 49 лица со повреди од вчерашната експлозијата на бомба поставена меѓу метро станиците на Технолошкиот институт и главниот плоштад во центарот на градот.

Експлозијата се случи на денот кога рускиот претседател Владимир Путин беше во посета на Санкт Петербург и имаше средба со претседателот на Белорусија, Александар Лукашенко.