Раниери заплака после новата победа на Лестер!
Тренерот на Лестер Сити Клаудио Раниери константно се обидува да го намали притисокот преку своите изјави во медиумите за своите играчи, кои со вчерашната победа се доближија до сензационално освојување на титулата шампион во Премиер лигата.
Лестер во вчерашниот натпревар го совлада тимот на Сандерленд и сега има предност од седум поени пред второпласираниот Тотенхем, на само пет кола пред крајот на шампионатот. Меѓутоа, Италијанскиот тренер полека чувствува дека остварувањето на сонот е многу блиску, па после триумфот не успеа да ги скрие емоциите и беше снимен како плака додека ги поздравува навивачите.