Првото средно училиште во Шуто Оризари перспектива за Ромите
Најголемата ромска населба во Македонија долги години чекаше на изградба на средно училиште кое ќе отвори нова перспектива за младите Роми со можност за влез во системот на средно образование, како и еден чекор поблиску до добивање вештини и знаења.
Денес свечено беше отворено средното училиште кое ќе има повеќе смерови од медицински науки, градежништво, економски и правни науки и лични услуги. На церемонијата присуствуваа сите локални ромски политички лидери, владини претставници, предводени од претседателот на владата Никола Груевски за одбележување на инвестицијата вредна 1.4 милиони евра.
Од ресорот за обрзование беше посочена и реконструкцијата на основните училишта „Браќа Хамид и Рамиз“ и „26 јули“ и на учениците им посакаа големи успеси.