Прва средба за реализација на политичкиот договор
Се одржа првата работна средба со претставници на четирите политички партии кои потпишаа договор за надминување на политичката криза со присуство на ОБСЕ. Се разговараше за изборниот законик и избирачкиот список со цел да се донесат подобри решенија за закажаните избори во април следната година.
Попладнево во Скопје заседаваше работната група, а главна тема беше Изборниот закон и Избирачкиот список. Очекуваме законот да се смени и да се бара не само политичка, туку и кривична одговорност од оние што го кршат, изјави Радмила Шекеринска потпретседателката на СДСМ.
Големи промени во позициите на партиите од власта и опозицијата се уште нема и поголем напредок во разговорите се очекува на новата средба закажана се претстојниот понеделник кога ќе треба да се направат конкретни промени во законите и нивната имплементација за спроведување на фер избори, како и овозможување на атмосфера на еднакви можности за политички натпревар.