Протест пред Собрание за законот за амнестија
Граѓанската иницијатива за донесување Закон за амнестија на осудениците оддржа протест пред Собранието на Република Македонија. Семејствата на затворениците бараат позитивен одговор од Претседателот на Собранието на РМ за распишување Граѓанска иницијатива на државно ниво за собирање на 10.000 потписи за донесување на Закон за амнестија во законски предвидениот рок.
Доколку Собранието не прифати да дискутира за овој закон протестот ќе трае деноноќно се до добивањето на потребниот одговор од страна на Претседателот на Собранието на РМ. Причина поради кои бараат измена на законот се нечовечките услови во затворите. Хигената, исхраната, пренатрупаноста и тортурата која ја трпат таму велат е неподнослива.