Просечниот Македонец во ноември работел за 21.976 денари

Според најновите податоците на Државниот завод за статистика просечната месечна исплатена нето плата по вработен за месец ноември изнесувала 21.976 денари, а индексот на просечната месечна исплатена нето-плата по вработен, во ноември 2015 година, во однос на ноември 2014 година, изнесува 101.8.
Тука се бележи мало зголемување е резултат, со оглед на подобрените просечни нето плати во секторите: Други услужни дејности (9.2%), Административни и помошни услужни дејности (8.4%) и Градежништво (7.1%).
Намалување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација (23.5%), Рударство и вадење на камен (7.4%) и Дејности во врска со недвижен имот (2.6%).
Во ноември 2015 година, 1.2% од вработените во Република Македонија не зеле плата.