Пропадна референдумот во Валандово

Според првичните и неофицијални резултатати, референдумот во Валандово против отворање рудници и стопирање на изградбата на комплексот Казандол не успеа.

Како што информира претседателот на општинската изборна комисија Илчо Танчев за МТВ, на 24-те гласачките места излегле 4.680 граѓани или 46,11 проценти, што е недоволно за да биде исполнет законскиот цензус 50 насто плус еден. Право на глас имаа 10.141 граѓанин.

Танчев рече дека засега нема забелешки до избирачките одбори за текот на гласањето. Од иницијативата „Спас за Валандово“, пак, тврдат дека констатирале низа притисоци и уцени врз граѓаните да не излегуваат на референдумско изјаснување.

На претходните референдуми, жителите на Гевгелија, Богданци и Дојран рекоа не за продолжување на работата на „Казандол“ и за отворање нови рудници.