Пронајдени изгубените Скопјани на Бистра
Рано утрово двајцата скопјани кои заталкаа на планината Бистра беа пронајдени од спасувачките служби, по 24 часовна потрага.
Двете лица, на возраст од 35 и 29 години кои вчера попладне се изгубија на падините на Бистра се на безбедно. Изморени и без професионална опрема, двајцата скопјани преноќиле под отворено небо.
Според СВР Тетово, утринава околу 8 часот, патрола на полициското одделение Ростуше ги забележала во близина на месноста Сенечки ливади под врвот Меденица по што биле преземени со возило.
