Програма за сите вкусови вечерва на ,,Скопско лето"

Програма за сите вкусови вечерва на Скопско лето

Љубителите на музичката уметност, театарџиите и вљубениците во седмата уметност вечерва ќе уживаат на ,,Скопско лето”

Во Театар „Комедија“ ќе настапи Албански театар-Скопје со претставата „Под масата“ на Роланд Топор во режија на Билге Емин

Во Музеј на Град Скопје, пак, е концертот на дуото виолини Фросина Богдановска и Жана Ли од Казахстан, и пијанистката Марија Ѓошевска. Тие ќе изведат композиции од Изаи и Прокофјев.

Во Сули ан (Факултет за ликовни уметности) каде што „Скопско лето“ ја организира програмата „Кафе кино“, ќе биде прикажан филмот „Продолжи да се смееш“ од 2012 година – копродукција меѓу Грузија, Франција и Луксембург, во режија на Русудан Чкониа.